काठमाडौँ – नेपाली कांग्रेसका सभापति गगनकुमार थापाले आफ्नो पार्टी राष्ट्रिय स्वतन्त्र पार्टीको दुश्मन नभई प्रमुख प्रतिस्पर्धी दल भएको बताएका छन्।
चितवनको भरतपुरमा जारी रास्वपाको पहिलो राष्ट्रिय महाधिवेशनको उद्घाटन सत्रलाई सम्बोधन गर्दै सभापति थापाले कांग्रेस र रास्वपाबीच प्रतिस्पर्धा भए पनि शत्रुताको सम्बन्ध नरहेको बताए।
उनले आफूलाई रास्वपाको जनमत देखेर लोभ लागेको भन्दै कांग्रेसलाई रास्वपाबाट अग्लो बनाउने दाबी पनि गरे। उनले आफूहरूले अरूलाई कमजोर बनाएर नभई इमानदार काम गरेर राजनीतिक रूपमा उचाइ हासिल गर्न चाहेको बताए।
थापाले संसद्मा प्रतिस्पर्धी भएको नाताले सरकारसँग आवश्यकताअनुसार सहकार्य र आलोचना दुवै गर्ने बताए।
उनले भने, ‘हामी तपाईंहरुको दुश्मन होइनौँ। हामी संसद्मा प्रतिस्पर्धी छौँ। जहाँ प्रश्न उठाउनुपर्ने हो, औँला ठड्याउनुपर्ने हो त्यहाँ औँला ठड्याउँछौँ। जहाँ थपडी बजाउनुपर्ने हो त्यहाँ थपडी बजाउँछौँ।’
भर्खरै
लोकप्रिय
