लुम्बिनी प्रदेशसभा बैठक बुधबारसम्मका लागि स्थगित

दाङ – आधा घण्टाका लागि स्थगित गरिएको लुम्बिनी प्रदेशसभाको बैठक निर्धारित समयभित्र बस्न नसकेपछि बुधबार दिउँसो १ बजेका लागि बोलाइएको छ।

प्रदेश सरकारसँग आवश्यक सहमति जुटाउन थप समय माग भएपछि बैठक सञ्चालन हुन नसकेको हो। प्रदेश सभा सचिवालयद्वारा जारी सूचनाअनुसार मंगलबार दिउँसो स्थगित भएको बैठक आधा घण्टापछि पुनः बस्ने भनिए पनि निर्धारित समयमा सुरु हुन सकेन। बैठक बस्न नसकेपछि आगामी बैठक बुधबारका लागि सारिएको हो।

बजेटप्रति असन्तुष्टि जनाउँदै प्रदेशसभा सदस्यहरूले विरोध जनाएपछि बैठक स्थगित गरिएको थियो।