विष्णु पौडेललाई थुनामा राख्नु नपर्ने जिकिर

काठमाडौँ – पूर्वअर्थमन्त्री विष्णु पौडेललाई थुनामै राखेर अनुसन्धान गर्न आवश्यक नभएको जिकिर कानुन व्यवसायीहरुले गरेका छन्।

सम्पत्ति शुद्धिकरण सम्बन्धी कसुरका लागि सोमबार सुर्खेतबाट पक्राउ परेका पौडेललाई सम्पत्ति शुद्धिकरण विभागले विशेष अदालतमा पेश गरेको थियो।

सरकारी पक्षले अनुसन्धानका लागि थुनामा राख्न अनुमति माग्दा पौडेल पक्षका कानुन व्यवसायीहरुले साधारण तारिखमा राखेर अनुसन्धान गर्न आग्रह गरेका हुन्।

पौडेलले प्रमाण नष्ट गर्न सक्ने अवस्था नभएको र भागी जाने संभावना पनि नभएको अवस्थामा थुनामै राखेर अनुसन्धान गर्न आवश्यक नभएको जिकिर न्यायाधीशहरु नारायणप्रसाद पौडेल, हेमन्त रावल र उमेश कोइरालाको इजलासमा गरेका हुन्।

अहिले दुवै पक्षको बहस सकिएर आदेश आउने क्रममा रहेको छ।