- चक्रपथ विस्तारको ढिलाइले काठमाडौं उपत्यकाको शहरी स्वरूपलाई प्रभावित पार्दै व्यवस्थापनको आवश्यकतालाई उजागर गरेको छ।
- ललितपुरको सानेपा क्षेत्रमा लहलहाती फुलेको हरियालीले वातावरणलाई स्वच्छ राख्न र सौन्दर्य बढाउन ठूलो योगदान पुऱ्याएको छ।
- चर्को गर्मीयाममा यी वृक्षहरूले शीतलता प्रदान गर्दै यात्रु र पैदलयात्रुहरूलाई आरामदायक बसाइको थलो बनेका छन्।
काठमाडौं- काठमाडौं उपत्यकाको चक्रपथ विस्तारको दोस्रो खण्ड निर्माणमा भइरहेको चरम ढिलाइले राजधानीको समग्र शहरी स्वरूपलाई नै गम्भीर रूपमा प्रभावित बनाएको छ।
सडक विस्तारका कामहरू अलपत्र पर्दा जताततै छरिएका निर्माण सामग्री, अत्यधिक धुलोधुवाँ र अव्यवस्थित सडकका कारण उपत्यकाका धेरै स्थान कुरुप र अस्तव्यस्त देखिन्छन्। यसले गर्दा दैनिक आउजाउ गर्ने लाखौँ सर्वसाधारणले ठूलो सास्ती खेपिरहनु परेको छ।
तर, यही भताभुङ्ग चक्रपथअन्तर्गत कोटेश्वर–कलंकी सडक खण्डमा पर्ने ललितपुरको सानेपा क्षेत्र भने यतिबेला आकर्षणको केन्द्र बनेको छ। ललितपुर महानगरपालिका र विभिन्न सरोकारवाला निकायहरूको आपसी सहकार्यमा करिब सात वर्षअघि सडक किनारमा रोपिएका बिरुवाहरू अहिले घना वृक्षका रूपमा हुर्किएका छन्।
सडकको दुवैतर्फ फैलिएको यो मनमोहक हरियालीले सहरको सौन्दर्यलाई मात्रै बढाएको छैन, वातावरणलाई स्वच्छ राख्न समेत ठूलो योगदान पुर्याइरहेको छ।
विशेषगरी हालको चर्को गर्मीयाममा यी घना रूखहरूले सडक वरपर प्राकृतिक शीतलता प्रदान गरेका छन्। गर्मीबाट राहत पाउन स्थानीय बासिन्दा, पैदलयात्री तथा यात्रुहरू केहीबेर बस्ने र विश्राम गर्ने उत्तम थलो यही सडक किनार बनेको छ।
चौतर्फी धुलो र कुरुपताका बीच हुर्किएको यो हरियालीले सवारी साधनको निरन्तर आवागमन हुने व्यस्त सडकलाई समेत आकर्षक, शान्त र सहज तुल्याइदिएको छ।
तस्बिरहरूः
भर्खरै
लोकप्रिय
