काठमाडौँ – अर्थमन्त्री डा. स्वर्णिम वाग्लेले कर हटाउन माग गर्नेले त्यसको विकल्प पनि दिनुपर्ने बताएका छन्।
बिहीबार बसेको राष्ट्रिय सभाको बैठकमा आर्थिक विधेयक, २०८३ माथिको दफावार छलफलका क्रममा सांसदहरूले उठाएको प्रश्नको जवाफ दिने क्रममा उनले यस्तो बताएका हुन्। कर संकलनबिना राज्य सञ्चालन गर्न नसकिने उल्लेख गर्दै उनले कर हटाउनुपर्ने माग गर्ने सांसदहरूलाई कर कहाँ–कहाँ लगाउने हो भन्ने सुझाव दिन पनि आग्रह गरे।
उनले सरकारले नागरिकलाई असर पर्ने गरी कहीँ पनि कर नलगाएको पनि दाबी गरे। सरकारको लक्ष्य प्रतिस्पर्धा बढाउने, लागत घटाउने र भौतिक पूर्वाधार विकासमा सहजीकरण गरेर उपभोक्ताले तिर्नुपर्ने मूल्यलाई घटाउनेमा रहेको उनको भनाइ छ।
करका विषयमा वैकल्पिक र व्यवहारिक सुझाव आएमा त्यसलाई सम्बोधन गर्न सरकार तयार रहेको उनले बताए।
उनले भने, ‘कर नै नउठाइकन राज्य चल्दैन, कहीँ त उठाउनुपर्यो। माननीयज्यूहरुलाई मेरो विनम्र अनुरोध छ, कर उठाउन हुँदैन भन्दै गर्दा कहाँ उठाउनुपर्ने हो, त्यो पनि सुझाव दिनुहोला।’
भर्खरै
लोकप्रिय
