विपद्को पूर्वतयारी प्रभावकारी बनाउन सभामुखको रुलिङ

काठमाडौँ – सभामुख डोलप्रसाद अर्यालले मनसुनजन्य घटनाको पूर्वतयारी प्रभावकारी बनाउन रुलिङ गरेका छन्।

मंगलबार प्रतिनिसभामा सांसदहरुले प्रश्न उठाएपछि सभामुखले विपदजन्य घटनाको क्षति न्युनिकरणका लागि तयारी ठोस ढंगले अघि बढाउन भनेका हुन्।

सभामुख अर्यालले भने, ‘यस वर्षको मनसुन सुरु भइ बाढी, पहिरो तथा डुबान जस्ता विपद्जन्य घटनाहरू बढ्न थालेका छन्। यस्ता विपद्जन्य घटनाका कारण हुन सक्ने मानवीय एवं भौतिक क्षति न्यूनीकरणका लागि प्रभावकारी विपद् पूर्वतयारी, राहत तथा उद्धार एवं सहज र सुरक्षित सवारी आवागमनको व्यवस्था मिलाउन म नेपाल सरकारको ध्यानाकर्षण गराउँछु।’