अ
+
अ
अ
-
हुम्ला – कर्णालीका मुख्यमन्त्री यामलाल कँडेलविरुद्ध अविश्वासको प्रस्ताव दर्ता भएको छ। विपक्षी दल नेपाली कम्युनिस्ट पार्टी (नेकपा) र कांग्रेसका सांसद मिलेर बिहीबार अविश्वासको प्रस्ताव दर्ता गराएका हुन्।
नेकपाका ११ र कांग्रेसका पाँच जना सांसद मिलेर अविश्वासको प्रस्ताव दर्ता गराएका हुन् । बुधबार सत्ता साझेदार दल नेपाली कांग्रेसले सरकार छाडेको थियो।
सरकारमा सहभागी कांग्रेसका चार जना मन्त्रीले राजीनामा दिए पनि समर्थन भने फिर्ता लिएको थिएन। ४० सदस्यीय कर्णाली प्रदेशसभाका १६ जना सांसदले अविश्वासको प्रस्ताव दर्ता गराएको कर्णाली प्रदेशसभा सचिवालयले जनाएको छ।
उनीहरुले नेपालको संविधानको धारा १८८ को उपधारा ५ बमोजिम कांग्रेस संसदीय दलका नेता जीवनबहादुर शाहीलाई मुख्यमन्त्रीमा प्रस्ताव गरेका छन्।
भर्खरै
लोकप्रिय
