- सिप्रदी ट्रेडिङले नेपाली ई-रिक्सा चालकहरूका लागि ‘एक्साइड ई-राइड लिथियम-आयन’ ब्याट्री सार्वजनिक गरेको छ, जसले खर्च घटाई आम्दानी बढाउने अपेक्षा गरिएको छ।
- यो ब्याट्री ५ देखि ८ वर्षसम्म टिक्ने क्षमता राख्दछ, र मर्मत खर्च पनि निकै कम लाग्नेछ।
- कम्पनीले ३६ महिनाको वारेन्टीसहित ब्याट्री र चार्जर उपलब्ध गराएको छ, जसले ई-रिक्सा व्यवसायीहरूको बचत सुनिश्चित गर्दछ।
काठमाडौँ- सिप्रदी ट्रेडिङले नेपाली बजारमा ई-रिक्सा चालकहरूका लागि अत्यन्तै खुसीको खबर ल्याउँदै अत्याधुनिक ‘एक्साइड ई-राइड लिथियम-आयन’ ब्याट्री सार्वजनिक गरेको छ ।
खर्च घटाउने र आम्दानी बढाउने मुख्य उद्देश्यका साथ ल्याइएको यो नयाँ प्रविधिको ब्याट्रीले परम्परागत लेड-एसिड ब्याट्रीको तुलनामा ई-रिक्सालाई थप आधुनिक र शक्तिशाली बनाउने विश्वास गरिएको छ । यो ब्याट्री एआईएस-१५६ फेज-२ प्रमाणित हुनुका साथै सर्ट सर्किट र पानीबाट जोगाउन आईपी ६७ रेटेड सुरक्षा प्रणालीले सुसज्जित छ ।
यो ब्याट्रीसँगै कम्पनीले २५ एम्पियरको अत्याधुनिक SMPS चार्जर समेत उपलब्ध गराएको छ, जसमा २ वर्षको वारेन्टी दिइएको छ । यस चार्जरको सहायताले ब्याट्रीलाई मात्र ३ देखि ४ घण्टामा पूर्ण रूपमा चार्ज गर्न सकिन्छ । हल्का वजन र उच्च क्षमताका कारण यो ब्याट्रीले धेरै माइलेज दिने र सधैं समान पावर कायम राख्न मद्दत पुर्याउँछ ।
साधारण लेड-एसिड ब्याट्रीको आयु १ देखि २ वर्ष मात्र हुने भए तापनि एक्साइडको यो नयाँ लिथियम-आयन ब्याट्री ५ देखि ८ वर्षसम्म टिक्ने क्षमताको छ ।
यस ब्याट्रीमा बारम्बार पानी थप्नु पर्ने झन्झट नहुने र मर्मत खर्च पनि निकै कम लाग्ने भएकाले चालकहरूका लागि यो निकै किफायती साबित हुने देखिएको छ । कम्पनीले ग्राहकहरूको ढुक्कका लागि ब्याट्रीमा ३६ महिनाको वारेन्टी प्रदान गरेको छ ।
नेपालभरका सबै आधिकारिक एक्साइड डिलरहरू मार्फत उपलब्ध हुने यो ब्याट्री र चार्जरको सेटले ई-रिक्सा व्यवसायीहरूको दीर्घकालीन बचत र उच्च कार्यक्षमता सुनिश्चित गर्ने अपेक्षा गरिएको छ ।
भर्खरै
लोकप्रिय
