अ
+
अ
अ
-
देशसञ्चार AI सारांश
- सांसद ज्ञानेन्द्र शाहीले संवैधानिक राजसंस्था र नेपाललाई हिन्दु राष्ट्र बनाउने विषयमा गम्भीर विमर्श सुरु गर्न आग्रह गरे।
- उनले एमसीसी सम्झौताप्रति कडा असन्तुष्टि जनाउँदै यसलाई खारेज गर्नुपर्ने र असंलग्न नीतिलाई पालना गर्नुपर्ने बताए।
- सीमावर्ती क्षेत्रमा नेपाली सेना खटाई छिमेकीहरुको गतिविधिमाथि निगरानी राख्न र सिमाना यकिन गर्न राष्ट्रसंघमार्फत कदम चाल्न माग गरे।
काठमाडौँ- राष्ट्रिय प्रजातन्त्र पार्टी (राप्रपा) का सांसद ज्ञानेन्द्र शाहीले देशको सार्वभौमसत्ता, राष्ट्रिय एकता र ऐतिहासिक निरन्तरताका लागि संवैधानिक राजसंस्था र हिन्दु राष्ट्रको पुनर्स्थापना गरिनुपर्ने बताएका छन्।
प्रतिनिधिसभाको पहिलो बैठकमा बिहीबार बोल्दै सांसद शाहीले नेपाल कुनै दल वा नेताले नभई राजसंस्था र जनताले मिलेर बनाएको देश भएको दाबी गरे। ‘यो देश कांग्रेस, एमाले, रास्वपा वा माओवादीले बनाएको होइन। यो देश राजसंस्था र जनताले बनाएको हो,’ उनले भने, ‘त्यसैले संवैधानिक राजसंस्थाको पुनर्विचार गर्न गम्भीर विमर्श सुरु गरियोस्।’ उनले देशमा ८१ प्रतिशत हिन्दु, ९ प्रतिशत बौद्ध र ३ प्रतिशत किराँत गरी ९३ प्रतिशतभन्दा बढी ॐकार परिवार रहेको तथ्यांक प्रस्तुत गर्दै नेपाललाई धर्मनिरपेक्ष राष्ट्रबाट धर्मसापेक्ष ‘हिन्दु अधिराज्य’ घोषणा गर्न माग गरे।
उनले सम्बोधनका क्रममा एमसीसी सम्झौताप्रति कडा असन्तुष्टि व्यक्त गर्दै यसलाई खारेज गर्नुपर्ने बताए। देशको भूराजनीतिक सन्तुलन कायम राख्न पञ्चशीलमा आधारित असंलग्न परराष्ट्र नीतिलाई पूर्ण रूपमा पालना गर्नुपर्ने र यसको प्रभावकारी कार्यान्वयनमा सरकार चुक्न नहुने उनको भनाइ थियो। उनले छिमेकी राष्ट्रहरूको गतिविधिमाथि निगरानी राख्न सीमावर्ती क्षेत्रमा नेपाली सेना खटाउनुपर्ने र संयुक्त राष्ट्रसंघमार्फत नेपालको सिमाना यकिन गर्नुपर्ने माग समेत गरे।
भर्खरै
लोकप्रिय
