माेरङ – जनआन्दोलनका क्रममा भत्काइएको विराटनगरको महेन्द्र चौकमा पुनः शालिक राख्नका लागि पहल सुरु भएको छ।
विराटनगरस्थित सनातन युवा मञ्च नेपाल विराटनगरले विहीबार पत्रकार सम्मेलन गर्दै शालिक भत्काइएको स्थानमा पुनः राजा महेन्द्र वीरविक्रम शाहकै शालिक राख्नका लागि अग्रसरता लिएको जनाएको छ। यसका लागि मञ्चले शालिक पुनः निर्माण र स्थापनाका लागि नगरवासीमाझ आह्वान समेत गरेको छ।
पत्रकार सम्मेलनमा मञ्चका केन्द्रीय अध्यक्ष नवराज ढकालले नेपालीहरुको इतिहास गर्विलो रहेको हुँदा इतिहासको संरक्षण गर्नुपर्नेमा जोड दिएका थिए। इतिहास मेटिनु हुन्न भन्ने धारणा राखेका अध्यक्ष ढकालले महेन्द्र चौकमा राजा महेन्द्रकै शालिक राख्ने र हिमालय रोडलाई पनि पुरानै अवस्थामा फर्काउने अभियान सुरु गरिएको बताए।
विगत आठ वर्षदेखि मञ्चले विराटनगरमा विभिन्न कार्य गर्दै आएको बताएका अध्यक्ष ढकालले शालिक राख्नका लागि विराटनगरवासी र विराटनगरलाई माया गर्नुहुने सबैको सहभागिता रहने अपेक्षा गरेको बताए।
भर्खरै
लोकप्रिय
