काठमाडौँ- लेखक राजु रायमाझीको पहिलो उपन्यास ‘रिमा’ लोकार्पण गरिएको छ।
शनिबार एक कार्यक्रमकाबीच प्रमुख अतिथि साहित्यकार इन्दिरा प्रसाईँ, लेखककी आमा रमा रायमाझी, साहित्यकार वासुदेव अधिकारी, हरिशरण ढुंगाना र राजन पुडासैनीलगायतको उपस्थितिमा लोकार्पण गरिएको हो।
कार्यक्रममा बोल्दै प्रमुख अतिथि नइ एकेडेमीकी कुलपति तथा त्रिमूर्ति निकेतन एवं बानिरा फाउन्डेशनकी अध्यक्ष साहित्यकार प्रसाईँले लेखकको रायमाझीको स्कूले जीवनदेखिको असल व्यवहार लेखनमा पनि देखिएको भन्दै प्रशंसा गरिन्।
कार्यक्रममा अन्य वक्ताहरूले पनि ‘रिमा’ले समकालीन समाजका संघर्ष, सपना, प्रेम, सफलता र मानवीय संवेदनालाई यथार्थपरक ढंगले प्रस्तुत गरेको उल्लेख गर्दै नयाँ पुस्ताका स्रष्टा राजु रायमाझीको साहित्यिक यात्राको सफलताको शुभकामना व्यक्त गरेका थिए।
लेखक रायमाझी हाल नेपाल राष्ट्र बैंकमा सहायक निर्देशकका रूपमा कार्यरत छन्।
शिमल बुक्सद्वारा प्रकाशित ‘रिमा’ उपन्यासको सफ्ट कभर संस्करणको मूल्य ४५० रुपैयाँ र हार्ड कभर संस्करणको मूल्य ५५० रुपैयाँ रहेको छ।
भर्खरै
लोकप्रिय
