नेकपा एमालेका सचिव महेश बस्नेतले नक्कली भुटानी शरणार्थी र टेरामक्स प्रकरणका हालैका अदालती फैसलाहरूले स्थापित दल र तिनका नेताहरूलाई बदनाम गराउन ‘काल्पनिक कथाहरू’ बुनिएको पुष्टि भएको दाबी गरेका छन्।
मंगलबार बेलुकी सामाजिक सञ्जालमार्फत टिप्पणी गर्दै एमाले सचिव बस्नेतले टेरामक्स प्रकरणमा पूर्वमन्त्री मोहनबहादुर बस्नेतले विशेष अदालतबाट पाएको सफाइ र भुटानी शरणार्थी प्रकरणमा प्रतीक थापा र सन्दीप रायमाझीसहित ७ जनाले जिल्ला अदालतबाट पाएको सफाइलाई न्यायालयको दूधको दूध, पानीको पानी छुट्ट्याउने फैसलाका रूपमा चित्रण गरे।
बस्नेतले न्यायालयका यी फैसलाबाट पुराना दल र ती दलका नेतालाई बदनाम गराउन भ्रष्टाचारलगायतका मुद्दामा काल्पनिक कथा बनाइएका थिए भन्ने कुरा प्रमाणित भएको दाबी गरेका छन्। ‘प्रमाणले होइन, अल्गोरिदमबाट बनाइएको मनले भने यस्ता कुरा सहजै लिन समय लाग्नेछ,’ उनले लेखेका छन्।
भर्खरै
लोकप्रिय
