जरुरी छ !!

श्वास लिनुभन्दा पहिला श्वास छाड्न जरुरी छ

दुई विन्दुहरुको अन्तराल हो जिन्दगी
अस्तित्वको घडी अ-मृत टिकटिक छ ॥
ठिहीमा रूखभरि सुकेका पातहरु छन्
जरा बलियो बनाउन एक ठूलो हुरी जरुरी छ ।

सूर्य र महासागर फरक कदापि होइन है
दूर क्षितिजमा हेर, चुम्बन किन जरुरी छ
फ्याँकियो अनाम दोबाटोहरुमा अनादिदेखि
अब त केही पत्थरहरू देवता हुन जरुरी छ।

दिनमा उज्यालो छ, बादल छ, रात एक निशा
सबै पूरकहरू हुन थाहा पाउन जरुरी छ ।
प्रशंसित छन्, चिरञ्जीवी पनि हो अश्वस्थामा,
तर श्राप हो यो, तसर्थ एक समयमा मर्न जरुरी छ ।

बेहोस यो जिन्दगी, जिन्दगी नै हेरेर बाँचिदैन है
जिन्दगी पूरापूर बाँच्न मृत्युको मोह जरुरी छ ।
जित्दैनन् सबै युद्ध योद्धाहरुले, खै कृष्ण आज ?
बुद्ध नै जन्मनलाई पनि  कृष्णको हार जरुरी छ ।