नेपालगन्ज – नेपालगन्जमा स्ट्रिट फुड एण्ड बेभरेज फेस्टिबल हुने भएकाे छ।
हाेटल व्यवसायी संघ, बाँके र हाेटल संघ, बाँकेकाे आयाेजनामा वैशाख ११ देखि १३ गतेसम्म स्ट्रिट फुड एण्ड बेभरेज फेस्टिबल हुन थालेकाे हाे।
हाेटल व्यवसायी संघ, बाँकेका अध्यक्ष भीमलाल कँडेलले नेपालगन्जमा पर्यटन प्रवर्द्धन, धार्मिकस्थलकाे प्रचार-प्रसार, स्थानीय परिकारकाे पहिचान, हाेटल व्यवसायकाे विकास गर्न र छिमेकी राष्ट्र भारतकाे नाकाबाट बढीभन्दा बढी पर्यटक भित्र्याउन, तारे हाेटलहरुकाे खानालाई एकै ठाउँबाट प्रवर्द्धन गरी जिल्ला-नगरकाे व्यापारलाई चलायमान गराउन स्ट्रिट फुड एण्ड बेभरेज फेस्टिबल आयाेजना गरेकाे बताए।
उनले फेस्टिबलमा स्थानीय स्वादिष्ट स्ट्रिट फुड, परम्परागत तथा आधुनिक खानाका परिकार र पेय पदार्थका साथै कला-संस्कृति र मनाेरञ्जनात्मक कार्यक्रम गरिने जानकारी दिए।
हाेटल संघ, बाँकेका अध्यक्ष दिवाकर खनालले नेपालगन्जलाई फुड फेस्टिबलका रुपमा चिनाउन फेस्टिबल आयाेजना गरेकाे बताए।
कार्यक्रमलाई व्यवस्थित गराउन २ सय ५१ सदस्य मूल समिति तथा १७ वटा उपसमिति गठन गरिएकाे छ।
भर्खरै
लोकप्रिय
