काठमाडौँ– सञ्चार तथा सूचना प्रविधिमन्त्री डा. विक्रम तिमिल्सिनाले सरकारले विगतमा गल्ती गर्नेहरू सबैलाई कारबाहीको दायरामा ल्याउने कुरालाई नियालिरहेको बताएका छन्।
विगतमा मन्त्रालयको बन्द कोठामा बसेर सेटिङको भरमा देशलाई ठग्नेहरुलाई कारबाही गर्नुपर्ने जनताको म्याण्डेट सरकारलाई रहेकाले सरकारले सोही कामलाई अघि बढाउने गरी तयारी गरिरहेको मन्त्री तिमिल्सिनाको भनाइ थियो।
शुक्रबार सिंहदरबारमा आयोजित रेडियो नेपालको ७६औँ वार्षिकोत्सव समारोहमा बोल्दै उनले मुलुकको राजनीति अब सङ्लिएको दाबी गर्दै उनले निष्कलंक भएर काम गर्न पनि मातहतका निकायलाई निर्देशन दिए।
उनले भने, ‘कहाँ कमी भएको छ, कहाँ के समस्या छ? कहाँ मिलाउनुपर्नेछ, कहाँ ठोकठाक पार्नुपर्नेछ, कहाँ कारबाही गर्नुपर्नेछ, हामी त्यही छामिरहेका छौँ। त्यही नियालिरहेका छौँ। त्यही हेरिरहेका छौँ। मन्त्रालयका बन्द कोठाहरुमा हामी कुनै पनि सेटिङ गरिहेका छैनौँ। सेटिङ गर्नेहरुलाई कसरी कारबाहीको दायरामा ल्याउने भनेर हेरिहेका छौँ। आज जनताले चाहेको त्यही हो।’
भर्खरै
लोकप्रिय
