एनसेल ग्राहकलाई अल्टिमाका ग्याजेटहरूमा ६० प्रतिशतसम्म छुट

काठमाडौँ- एनसेलका ग्राहकहरूका लागि एउटा खुसीको खबर छ । एनसेल र अल्टिमा लाइफस्टाइलबीच भएको नयाँ साझेदारी अनुसार अब एनसेलका सम्पूर्ण ग्राहकहरूले अल्टिमाका विभिन्न ग्याजेट तथा लाइफस्टाइल सामग्रीहरूको खरिदमा ६० प्रतिशतसम्मको आकर्षक छुट प्राप्त गर्न सक्ने भएका छन् ।

यस विशेष अफर सम्बन्धी सम्झौता पत्रमा एनसेलका चिफ कन्जुमर बिजनेस अफिसर उपाङ्ग दत्त र अल्टिमा लाइफस्टाइलका प्रमुख कार्यकारी अधिकृत (CEO) अमित अग्रवालले हस्ताक्षर गरेका छन् ।

यो योजना अन्तर्गत ग्राहकहरूले साउन्ड बार, स्पिकर, वायरलेस एअर बड्स, स्मार्टवाच, र पावर बैङ्क जस्ता अनेकौँ उपयोगी ग्याजेटहरू विशेष छुटमा खरिद गर्न पाउनेछन् । अल्टिमा लाइफस्टाइलले यस योजना अन्तर्गत खरिद गरिएका सामग्रीहरू नेपालभर डेलिभरी गर्ने व्यवस्था समेत मिलाएको छ ।

यो छुट योजनाको लाभ लिनका लागि एनसेलका प्रिपेड ग्राहकहरूको हकमा रु. ९९ वा सोभन्दा माथिको डेटा, भ्वाइस वा कम्बो प्याक सक्रिय हुनुपर्नेछ भने पोस्टपेड ग्राहकहरूको हकमा रेन्टल प्लान सक्रिय भएको हुनुपर्नेछ ।

हाल यो योजनामा योग्य नभएका ग्राहकहरूले पनि रु. ९९ वा सोभन्दा माथिको कुनै पनि प्याक खरिद गरेर तुरुन्तै यस अफरमा सहभागी हुन सक्नेछन् । ग्राहकहरूले आफ्नो सक्रिय प्याक वा रेन्टल प्लानको अवधिभर यो छुट सुविधा पटक–पटक प्रयोग गर्न पाउने व्यवस्था गरिएको छ ।

यो अफर पूर्ण रूपमा एनसेल एपमार्फत सञ्चालन गरिएको छ । छुट पाउनका लागि ग्राहकले आफ्नो मोबाइलमा रहेको एनसेल एप खोली ‘पार्टनर्स सर्भिसेज’ (Partner Services) मा गएर अल्टिमा लाइफस्टाइल रोज्नुपर्ने हुन्छ ।

प्रयोगकर्ताको नाममा दर्ता रहेको मोबाइल नम्बरका आधारमा प्रणालीले स्वतः योग्यता जाँच गर्नेछ र ग्राहकले छुटसहित तिर्नुपर्ने रकम एनसेल एपमै देखिनेछ ।

साझेदारीका बारेमा बोल्दै एनसेलका चिफ कन्जुमर बिजनेस अफिसर उपाङ्ग दत्तले आफ्ना ग्राहकहरूलाई अल्टिमा ग्याजेटहरूमा ६० प्रतिशतसम्म छुट प्रदान गर्ने योजना ल्याउन पाउँदा उत्साहित भएको बताएका छन् ।

अल्टिमा लाइफस्टाइलसँगको यस सहकार्यले ग्राहकहरूको डिजिटल जीवनशैलीलाई थप समृद्ध बनाउन मद्दत पुग्ने विश्वास उनले व्यक्त गरे ।