रास्वपा विधानको गतल व्याख्या गरिएको उपनेता पराजुलीको जिकिर

काठमाडौँ – सत्तारुढ रास्वपाका संसदीय दलका उपनेता गणेश पराजुलीले संसदीय दलको नेतालाई हटाउने पार्टीको विधानको प्रावधानलाई प्रधानमन्त्री बालेन्द्र साहलाई हटाउने भनि गलत व्याख्या भएको दाबी गरेका छन्।

बुधवार प्रधानमन्त्री बालेन्द्र साहलाई संसदीय दलको नेताबाट जुनसुकै बेला पनि हटाउन सक्ने भनि राखिएको प्रावधानबारे उपनेता पराजुलीले विषयको गलत व्याख्या गरिएको गुनासो गरेका हुन्।

उनले विधानमा पार्टी संसदीय दलको नेता मात्रै नभएर पार्टी सभापति रवि लामिछाने, उपनेता म स्वयमको पनि हटाउन सक्ने प्रावधान राखिएको तर संसदीय दलको नेता मात्रै हटाउने प्रावधान राखिएको भनेर त्यसको अपब्याख्या गर्न खोजिएको जिकिर गरे।

रवि–बालेनबीच आउन सक्ने टकरावलाई ध्यान दिँदै रास्वपा विधान छलफलबिनै परिमार्जन

विधान कुनै व्यक्ति वा पदलाई हेरेर भन्दा पनि पार्टीको प्रभावकारितालाई हेरेर बनाउने भएकाले सोही अनुसार बुझ्न उपयुक्त हुने बताए।

‘यसमा अन्यथा किन लिनुपर्दैन । किनभने अन्य पदाधिकारीको जस्तै पदको अन्त्य कहिले हुन्छ, कसरी हुन्छ ? भनेर व्याख्या गरेजस्तै संसदीय दलको नेताका पनि पदको अन्त्य कसरी हुन्छ भनेर व्यवस्था गरिएको एउटा व्याख्या मध्येको व्याख्या भएको हुनाले यहाँहरुले यसलाई जुन आशयका साथ उठान गर्नुभएको छ, त्यो नियतसँग जोडेर हेरेको कारणले यसको अपब्याख्या भएको हो कि भन्ने मेरो बुझाई छ, पराजुलीले अगाडि भने, ‘संसदीय दलको उपनेताको पनि व्यवस्था गरिएको छ । तर यसको चर्चा भएन नि । सभापतिको पनि पद कसरी हटछ ? भन्ने कुराको त चर्चा भएन नि ।’

चितवनमा सम्पन्न रास्वपाको महाधिवेशनले पार्टी सभपातिको निर्देशन नमानेको खण्डमा संसदीय दलको नेतालाई समेत हटाउन सकिने व्यवस्था गरिएको छ।

रास्वपाभित्रको भावी शक्ति संघर्षलाई ध्यानमा दिँदै सभापति लामिछाने पक्षले आफ्नो हात माथि पर्ने गरी विधानमा यस्तो प्रावधान घुसाएका थिए।