महिला साफ च्याम्पियनसिपमा नेपाल लगातार दोस्रो जित निकाल्दै सेमिफाइनलमा प्रवेश गरेको छ। गोवास्थित जवाहरलाल नेहरु स्टेडियममा आइतबार भएको समूह ‘ए’ को अन्तिम खेलमा नेपालले श्रीलंकालाई २-० ले पराजित गर्दै समूह विजेता बनेको हो।
नेपालले पहिलो खेलमा भुटानलाई १-० ले पराजित गरेको थियो। भुटान भने यसअघि नै श्रीलंकालाई ४-० ले पराजित गर्दै अन्तिम चारमा पुगिसकेको छ। श्रीलंका भने अंकविहीन रहँदै प्रतियोगिताबाट बाहिरियो।
अब नेपालले फाइनल प्रवेशका लागि अर्को समूहको उपविजेतासँग खेल्ने छ। समूह ‘बी’बाट भारत र बंगलादेश समान ३ अंकसहित सेमिफाइनल पुगिसकेका छन्। आजै बंगलादेश र भारत बिचको खेलले सेमिफाइनल प्रतिद्वन्दीको तय हुने छ।
श्रीलंका विरुद्ध नेपाललाई स्ट्राइकर रश्मिकुमारी घिसिङले अग्रता दिलाएका थिइन्। उनले पहिलो हाफको इन्जुरी समयमा रेखा पौडेलले दिएको क्रसमा सदुपयोग गरेकी थिइन्। खेलको ६२औं मिनेटमा रेनुका नगरकोटेले अर्को गोल थप्दै नेपालको तीन अंक निश्चित गरीन्। यो उनको पहिलो अन्तर्राष्ट्रिय गोल समेत हो।
भर्खरै
लोकप्रिय
