विश्वकप फुटबलमा टर्कीले अमेरिकाविरुद्ध सान्तवना जित निकाल्दै प्रतियोगिताबाट बाहिरिएको छ। इन्जुरी समयको अन्तिम मिनेटमा टर्कीले अमेरिकालाई ३-२ ले पराजित गर्दै प्रतियोगिताको अन्त गर्यो। पराजयका बाबजुत अमेरिका भने समूहको शीर्ष स्थानमा कायम रह्यो।
समूह ‘डी’ अन्तर्गतनै भएको अर्को खेलमा अस्ट्रेलिया र पाराग्वेले गोलरहित बराबरी खेल्दै अंक बाँड्दा पाराग्वेले पनि नकआउट चरणमा स्थान बनायो। अमेरिका पराजयका बाबजुत यसअघिनै २ जित सहित शीर्ष स्थानमा रहेको थियो।
अस्ट्रेलियाको बराबरीले अमेरिका समूह विजेता बन्दा अस्ट्रेलिया उपविजेताका रुपमा नकआउट चरणमा पुग्यो। समान अंक भएपनि पाराग्वे उत्कृष्ट तेस्रो टोलीका रुपमा नकआउटमा स्थान बनाउन सफल भयो।
टर्की भने दुई खेलपछि नै प्रतियोगिताबाट बाहिरिसकेको थियो। त्यसैले उसका लागि यो जित सान्तवना जितका रुपमा रह्यो। बराबरीसँगै अस्ट्रेलियाले अब आगामी शुक्रबार इजिप्ट, इरान र बेल्जियम रहेको समूहको उपविजेता टोलीसँग खेल्ने छ।
यता पाराग्वेले भने हालको अवस्थाअनुसार जुलाई ६ मा समूह ईको विजेता जर्मनीसँग भिड्ने सम्भावना छ।
समूह ‘डी’ का खेलहरु सकिएसँगै यस्तो बन्यो अंक तालिका
भर्खरै
लोकप्रिय
