अर्जेन्टिनाले खेलको अन्ततिरको १३ मिनेट १५ सेकेन्डमा ३ गोल गर्दै इजिप्टविरुद्ध अभुतपूर्व पुनरागमन सम्भव बनाएको छ। २-० ले पछि रहेको अवस्थामा अर्जेन्टिनाले ३-२ को जित निकाल्दै अविश्वसनीय पुनरागमनसहित क्वाटरफाइनलमा स्थान बनायो।
खेलमा २-० ले पछि परेको अवस्थामा अर्जेन्टिनाले असम्भव मानिएको पुनरागमन सम्भव बनाउँदै निर्धारित ९० मिनेटमानै जित दर्ता गर्यो। खेलमा इजिप्टले १५ मिनेटमानै यसर इब्राहिमको गोलमा अग्रता लिएको थियो। दोस्रो हाफमा मोस्तपा जिकोले ६७ औं मिनेटमा गोल गर्दै अग्रता दोब्बर बनाए।
७९ मिनेटसम्म गोलविहीन अर्जेन्टिनाले अन्तत रोमेरोले गोल गर्दै खेलमा अर्जेन्टिनालाई कायम राखे। अन्ततः ८३ औं मिनेटमा लियोनेल मेसीले बराबरी गोल गरे।
त्यसअघि मेसीले पहिलो हाफमा पेनाल्टी चुकाएका थिए। बराबरीपछि उत्साहित बनेको अर्जेन्टिनाले अतिरिक्त समयको दोस्रो मिनेटमा इन्जो फर्नान्डेजको गोलमा ३-२ को जित निकाल्दै क्वाटरफाइनलमा स्थान बनायो।
भर्खरै
लोकप्रिय
