- नवप्रवेशी अफ्रिकन टोली केप भर्डेसँग गोलरहित बराबरीमा रोकिँदा स्पेनलाई अप्रत्यासित नतिजा बेहोर्नुपरेको छ।
- केप भर्डेका ४० वर्षीय गोलरक्षक भोजिन्हाले स्पेनका उत्कृष्ट प्रहार रोकेर एतिहासिक प्रदर्शन गरे।
- गोलरहित खेलमा दुबै टोलीले १–१ अंक बाँडेपछि स्पेन समूह ‘एच’ मा दबाबमा परेको छ।
विश्वकपको उपाधि दाबेदार मानिएको स्पेन अप्रत्यासित रुपमा नवप्रवेशी अफ्रिकन टोली केप भर्डेसँग गोलरहित बराबरीमा रोकिएको छ। स्पेनलाई गोल विहीन बनाउने क्रममा केप भर्डेका ४० वर्षीय गोलरक्षक भोजिन्हाले एतिहासिक प्रदर्शन गरे।
भोजिन्हाले स्पेनका एकपछि अर्का उत्कृष्ट प्रहार जोगाउँदा अफ्रिकन टोली उत्साहि बनेको थियो। अन्तिम सिटीसँगै उनीहरुले बिजेता जसरी खुसी साँटेका थिए। अर्को तर्फ टिमको संयमित डिफेन्सिङ प्रदर्शन सम्झनलायक रह्यो। यो बराबरी पछि दुबै टिमले समान १-१ अंक बाँडे। बराबरीले स्पेनलाई स्वभाविक दबाब सिर्जना भएको छ। अब उसले समूह ‘एच’ मा साउदी अरेबिया र उरुग्वेसँग प्रतिस्पर्धा गर्नु पर्ने छ।
स्पेनका युवा स्टार लामिन यामलले १८ वर्ष ३३७ दिनको उमेरमा दुई ठूला अन्तर्राष्ट्रिय प्रतियोगिता (युरो २०२४ र विश्वकप २०२६) खेल्ने सबैभन्दा कम उमेरका युरोपेली खेलाडीको कीर्तिमान बनाएको खेलमा स्पेन भने गोलविहीन बन्यो।
यसअघि यो कीर्तिमान जुड बेलिङ्घमको नाममा थियो। उनले २०२२ को विश्वकपमा पहिलो पटक मैदान उत्रँदा १९ वर्ष १४५ दिनको उमेर पूरा गरेका थिए। अर्को तर्फ केप भर्डेका गोलरक्षक भोजिन्हा स्पेनविरुद्ध ४० वर्ष १२ दिनमा मैदानमा उत्कृष्ट प्रदर्शन गर्दै यो उमेरमा विश्वकप खेल्ने नवौं पाको खेलाडी बने।
भर्खरै
लोकप्रिय
