नेपालगन्ज – जेनजी सहिद सुलभराज श्रेष्ठ र आयुष थापाकाे सम्झनामा आयाेजित यु-२० नाइन ए साइड फुटबल प्रतियाेगिताकाे उपाधि धम्बाेझी क्लवले जितेकाे छ।
खजुराकाे ब्रदर्स एफसीलाई टाइब्रेकरमा ३-२ गाेल अन्तरले पराजित गर्दै धम्बाेझीले उपाधि जितेकाे हाे।
निर्धारित समयमा दुवै तर्फबाट एक-एक गाेल भएकाे थियाे। २७ मिनेटमा विधान विककाे गाेलले अग्रता लिएकाे ब्रदर्सले खेल सकिन एक मिनेट बाँकी छदा गाेल खाएकाे थियाे। धम्बाेझीका अनिपाल शाहीले ४९ मिनेटमा बराबरी गाेल गरेका थिए। अन्तिममा सम्हालिन नसक्दा ब्रदर्स उपविजेतामा समेटिन पुग्याे।
उपाधिसँगै धम्बाेझीले ५१ हजार र उपविजेता ब्रदर्स एफसीले ३१ हजार पुरस्कार पाए। धम्बाेझी क्लवले आयाेजना गरेकाे प्रतियाेगिता विशालनगरचाेकस्थित एन्फा ग्रासरुट फुबटल मैदानमा भएकाे थियाे।
विजेता, उपविजेता, विधागत उत्कृष्ट खेलाडीलाई सहिद परिवार, क्लवका अध्यक्ष तारामान कुँवर, वडाध्यक्ष प्रमाेद रिजाल, बाँके जिल्ला फुटबल संघका अध्यक्ष भाेजराज शाहीलगायतले पुरस्कार वितरण गरेका थिए।
भर्खरै
लोकप्रिय
